സംസ്ഥാന ബജറ്റ്: പട്ടാമ്പിക്ക് മുന്തിയ പരിഗണന

സംസ്ഥാന ബജറ്റിൽ പട്ടാമ്പി മണ്ഡലത്തിന് മുന്തിയ പരിഗണന ലഭിച്ചെന്ന് മുഹമ്മദ് മുഹ്‌സിൻ എം.എൽ.എ  അവകാശപ്പെട്ടു. പട്ടാമ്പിയിൽ ബജറ്റ് വിശേഷങ്ങൾ അറിയിക്കാൻ വിളിച്ചു ചേർത്ത 

വാർത്താ സമ്മേളനത്തിൽ മണ്ഡലത്തിന് അനുവദിച്ച പദ്ധതികൾ അദ്ദേഹം വിശദീകരിച്ചു. പട്ടാമ്പി ബൈപാസ്-  റയിൽവേ അണ്ടർ പാസ്സേജ് (10 കോടി), പട്ടാമ്പി ചെർപ്പുളശ്ശേരി റോഡ് നവീകരണം 

(10 കോടി), വാടാനാംകുറുശ്ശി റയിൽവേ മേൽപാലം (10 കോടി), കൊപ്പം പോലീസ് സ്റ്റേഷൻസ്ഥാപിക്കൽ, ഫയർ സ്റ്റേഷൻ കെട്ടിട നിർമ്മാണം, പട്ടാമ്പി ഗവർമെന്റ് കോളേജിൽ സംസ്‌കൃതം ബ്ലോക്ക്, സയൻസ് ബ്ലോക്ക് നിർമ്മാണം, കോളേജ് ലൈബ്രറി നവീകരണം, പെരുമുടിയൂർ ഗവ.ഓറിയന്റൽ സ്‌കൂൾ, സപ്ലൈകോ സൂപ്പർമാർക്കറ്റ്, പട്ടാമ്പി മൃഗാശുപത്രി നവീകരണം, കൊണ്ടുർക്കര പാടം- പാലം, മറ്റു റോഡുകൾ ഉൾപ്പെടെ നിലവിൽ അനുവാദം കിട്ടിയതോ വർക്ക് തുടങ്ങിയതോ ആയവക്ക് ബഡ്ജറ്റിൽ അംഗീകാരം ലഭിച്ചതായും മുഹമ്മദ് മുഹ്‌സിൻ എം.എൽ.എ. മാധ്യമ പ്രവർത്തകരോട് പറഞ്ഞു. ഓരോ പഞ്ചായത്തിലെയും നിലവിലെ വികസന പ്രശ്നങ്ങൾ ചർച്ച ചെയ്യാനും മണ്ഡലത്തിലെ വികസനം മുൻഗണനാടിസ്ഥാനത്തിൽ തീരുമാനിക്കാനും വേണ്ടി ഓരോ പഞ്ചായത്തിലും വികസന ചർച്ച സംഘടിപ്പിക്കുന്നുണ്ട്. ഉദ്യോഗസ്ഥരും ജനപ്രതിനിധികളും പൊതുപ്രവർത്തകരും നാട്ടുകാരും പങ്കെടുക്കണമെന്നും അദ്ദേഹം അറിയിച്ചു.