1987 മുതല്‍ പത്രപ്രവര്‍ത്തനരംഗത്ത് സജീവമാണ്.തൃശ്ശൂര്‍ ആസ്ഥാനമാക്കി പ്രവര്‍ത്തിച്ച എക്സ്പ്രസ്സ് ദിനപത്രത്തിലാണ് അരങ്ങേറ്റം. കേരളകൌമുദി,മാധ്യമം പത്രങ്ങള്‍ക്കു വേണ്ടിയും പ്രവര്‍ത്തിച്ചു.മാധ്യമം ലേഖകനായിരിക്കെ, മികച്ച പ്രാദേശികപത്രപ്രവര്‍ത്തകനുള്ള ഇ എ വഹാബ് മെമ്മോറിയല്‍ അവാര്‍ഡ് രണ്ടു തവണ നേടി(1997,2002).1999 മുതല്‍ ദൃശ്യമാധ്യമരംഗത്ത് പ്രവര്‍ത്തിക്കുന്നു. പട്ടാമ്പി കേബിള്‍ വിഷന്റെ ന്യൂസ് എഡിറ്ററായി തുടരുന്നു.2009 -ല പട്ടാമ്പി റോട്ടറി ക്ളബ്ബിന്റെ എക്സലന്‍സ് അവാര്‍ഡ് നേടി. പാലക്കാട് നെഹ്രു യുവകേന്ദ്രയുടെ ‘യൂത്ത് ലൈന്‍ ’, ‘ലൈഫ്’(തൃശ്ശൂര്‍), ‘ദര്‍ശനഭൂമി’(ഗുരുവായൂര്‍) മാസികകളില്‍ സഹപത്രാധിപരായി ജോലി ചെയ്തു.
ആനുകാലികങ്ങളില്‍ നിരവധി കഥകളും ലേഖനങ്ങളും നോവലുകളും എഴുതിയിട്ടുണ്ട്. ചിരി മറന്ന കോമാളി’ (കഥാസമാഹാരം), ‘ഈസന്‍മൂസ’ (ബാലസാഹിത്യം), ‘ സൂര്യശയനം’ (നോവല്‍- രണ്ടു പതിപ്പുകള്‍ ), ‘ മുള്‍ദളങ്ങള്‍’ ഇവയാണ് കൃതികള്‍. എഴുത്തിന്റെ മൂന്നു ദശാബ്ദങ്ങള്‍ പിന്നിട്ട ടിവിഎം അലി ഇപ്പോള്‍ ബ്ളോഗുലകത്തിലും ഇടം നേടിയിട്ടുണ്ട്. കവിതയിലും തിരക്കഥയിലും പരീക്ഷണങ്ങള്‍ നടത്തിയിട്ടുണ്ട്. പിതാവ് : പരേതനായ ടി വി ചേക്കുണ്ണി, മാതാവ് : പി. കൌസുമ്മ, ഭാര്യ : ഇയ്യാത്തുകുട്ടി, മക്കള്‍ : സബിദ, ഉബൈദ്, മരുമകന്‍ : അബ്ദുള്‍ നാസര്‍.
No comments:
Post a Comment