കൂടല്ലൂരിനു വീണ്ടും പുരസ്ക്കാര തിളക്കം

 ജ്ഞാനപീഠം കൊണ്ട് സാഹിത്യ നഭസ്സിൽ ഇടം നേടിയ കൂടല്ലൂർ ഗ്രാമത്തിലേക്ക് , എം.ടി.യുടെ തറവാട്ടിലേക്ക്
വീണ്ടും ഒരു പുരസ്കാരം. മികച്ച വിവർത്തകനുള്ള  ശാന്തകുമാരൻ തമ്പി ഫൌണ്ടേഷൻ പുരസ്കാരത്തിന്
അർഹനായത് എം.ടി. യുടെ ജേഷ്ഠൻ എം.ടി.എൻ. നായർ. 84 കാരനായ ഇദ്ദേഹം നിരവധി ക്ലാസ്സിക് കൃതികൾ
മലയാളത്തിന് കാഴ്ച വെച്ചിട്ടുണ്ട്. വിവർത്തന രംഗത്ത് നല്കിയ നിസ്തുല സംഭാവന പരിഗണിച്ചാണ്
ഫൌണ്ടേഷ ന്റെ ഏഴാമത് പുരസ്കാരം എം.ടി.എൻ. നായർക്കു നല്കുന്നത്. ആഗസ്റ്റ്‌ 2 നു പാലക്കാട് പബ്ലിക്
ലൈബ്രറിയിൽ നടക്കുന്ന ചടങ്ങിൽ അവാർഡ്‌ സമ്മാനിക്കും.
എം.ടി.യുടെ തറവാട്ടിൽ  ചെല്ലുമ്പോഴെല്ലാം വളരെ സ്നേഹ പൂർവ്വം ഇടപഴകുന്ന എം.ടി.എൻ. കുറച്ചു കാലമായി അകത്തേതറയിലാണ് താമസം. അതുകൊണ്ട് തന്നെ നേരിൽ കണ്ടിട്ട് നാളേറെയായി. ഈ അവസരത്തിൽ അദ്ദേഹത്തിന് ആശംസകൾ നേരുന്നു.