തീ മഴ പെയ്യുമ്പോൾ
മെഴുകുതിരികൾ അണയുന്നു
നിലവറയിൽ ഒളിക്കുമ്പോൾ
നിലവിളികൾ നെഞ്ചു പിളർത്തുന്നു
വണ്ടുകൾ മുരളുമ്പോൾ
വെൻ താരകങ്ങൾ തീപ്പന്തമാവുന്നു
കാരക്ക കടിക്കുമ്പോൾ
ചോര കിനിയുന്നു
ഇത്തിരി വെള്ളത്തിനായി
മണലിൽ കുഴി തോണ്ടുമ്പോൾ
കിട്ടുന്നു പൊട്ടാത്ത മൈനും,
ഞെട്ടറ്റ പൈതലിൻ ശിരസ്സും.
തീ മഴ പെയ്യുമ്പോൾ
തീക്കളി തുടരുമ്പോൾ
ലോകമേ ഗർജ്ജിക്കുക
ഓം ശാന്തി ഓം ശാന്തി .
No comments:
Post a Comment