സ്വച്ഛ് ഭാരത്, മാലിന്യ മുക്ത കേരളം തുടങ്ങിയ കേന്ദ്ര-സംസ്ഥാന പദ്ധതികൾക്ക് തുരങ്കം വെക്കുന്നത് ആരാണ്?   

തപാൽ വകുപ്പ് തന്നെ.
തപാൽ വകുപ്പിൽ സമ്പൂർണ്ണ പ്ലാസ്റ്റിക് വൽക്കരണമാണ് നടന്നു വരുന്നത്.
ഫ്ലക്സ് നിരോധിച്ച സമയത്താണ് ഇന്ത്യാ പോസ്റ്റ് പേമെന്റ് ബാങ്കിന്റെ പരസ്യം ഫ്ലക്സിൽ നാടാകെ നിറഞ്ഞത്.
മെയിൽബാഗ് മുഴുവൻ നേരത്തെ തന്നെ പ്ലാസ്റ്റിക് ആണ്. ബുക്പോസ്റ്റ് കവറുകൾ, പാർസലുകൾ എന്നിവ പ്ലാസ്റ്റിക് ആണ്. Regd/Speed ബാഗുകൾ കെട്ടുന്ന ടാഗുകൾ പ്ലാസ്റ്റിക്കാണ്. പുതിയ ടാഗുകൾ കുറെക്കൂടി പണം ചെലവഴിച്ചാണ് നിർമിച്ചിട്ടുള്ളത്.
(ചിത്രം കാണുക)

ഇനി ഏറ്റവുമധികം
ഇ-മാലിന്യങ്ങൾ തള്ളുന്നതും തപാൽ ഓഫീസ് തന്നെയാവും. ഒന്നിനും കൊള്ളാത്ത ഒന്നര ലക്ഷത്തില്പരം ഡിവൈസുകൾ എവിടെ തള്ളും?

ഓരോ ഓഫീസിലും വന്നു വീഴുന്ന ഇത്തരം പ്ലാസ്റ്റിക് മാലിന്യങ്ങൾ എവിടെ, എങ്ങിനെ സംസ്ക്കരിക്കും?

ഇവ കത്തിച്ചാലുണ്ടാവുന്ന മാരകമായ വാതകവും ജീവനക്കാർ തന്നെ ആവാഹിക്കണമല്ലൊ!
ഈ രീതിയിൽ പ്ലാസ്റ്റിക്ക് വൽക്കരണം നടത്താൻ തപാൽ വകുപ്പിന് യഥേഷ്ടം പണമുണ്ട്.

Gdsകാർക്ക് പത്തു രൂപ അലവൻസ് കൂട്ടി ചോദിച്ചാൽ നഷ്ടത്തിന്റെ പെരുമ്പറ മുഴക്കും. തപാൽ വകുപ്പ് അറബികടലിലും ബംഗാൾ ഉൾക്കടലിലും മുങ്ങിപ്പോകുമെന്ന് കോടതിയിൽ പോലും സത്യവാങ്മൂലം നൽകും.

കേന്ദ്ര ഗവ.ന്റെ പ്ലാസ്റ്റിക് മാലിന്യത്തിനെതിരെയുള്ള യുദ്ധം ആദ്യം തുടങ്ങേണ്ടത് തപാൽ വകുപ്പിൽ നിന്നാണ്.
അതിന് ജീവനക്കാർ തന്നെ മുന്നിട്ടിറങ്ങണം.