കുഞ്ഞുങ്ങളുടെ ഷീബ

എന്നെ ഏറെ സ്വാധീനിച്ച ഒരു വ്യക്തിയാണ് ഷീബ അമീർ. തൃശൂർ സൊലസിന്റെ നേതൃത്വത്തിൽ കുട്ടികൾക്കു വേണ്ടി അവർ നടത്തിവരുന്ന പ്രവർത്തനങ്ങൾ നിരീക്ഷിക്കാനും മനസ്സിലാക്കാനും ശ്രമിച്ചതിനെ തുടർന്ന് അങ്ങേയറ്റം ആദരവും ബഹുമാനവും ആരാധനയും അവരോട് എനിക്കുണ്ട്. കേരളത്തിനകത്തും പുറത്തും ഓടിനടന്ന് പ്രവർത്തിക്കുന്ന ഷീബ അമീറിനെ ഈയിടെ പട്ടാമ്പി ഗവ. സംസ്കൃത കോളേജിൽ വെച്ച് കണ്ടു മുട്ടാനും ആശയ വിനിമയം നടത്താനും സാധിച്ചു. ഏറെക്കാലത്തിനു ശേഷം കണ്ടുമുട്ടിയ സുഹൃത്തിനോടെന്ന പോലെയാണ് അവർ മനസ് തുറന്ന് സംസാരിച്ചത്. ഹ്യൂമനിസ്റ്റായിരുന്ന പി.കെ.എ.റഹീമിന്റെ മകൾ ഏറ്റെടുത്ത ദൗത്യം രാജ്യത്തിന് തന്നെ മാതൃകയാവാതെ തരമില്ല. ഈ നാടിന്നാവശ്യം ഷീബയെപ്പോലെയുള്ള വനിതകളെയാണ്. പാർശ്വവൽക്കരിക്കപ്പെട്ട ഒരു സമൂഹത്തിൽ നിന്ന് വിശാലമായ ലോകത്തേക്ക് കുഞ്ഞുങ്ങളെ കൈ പിടിച്ചു നടത്താൻ ഷീബ അമീർ നടത്തുന്ന പ്രവർത്തനങ്ങളെ അകമഴിഞ്ഞ് സഹായിക്കാൻ എല്ലാവരും മുന്നിട്ടിറങ്ങിയെങ്കിൽ എന്നാശിക്കുന്നു. ഷീബ അമീറിനും സൊലസിലെ കുഞ്ഞുങ്ങൾക്കും സ്നേഹാശംസകൾ നേരുന്നു.