പട്ടാമ്പി: ചൈനീസ് ആയോധന കലകളുടെ രണ്ടാമത് ദേശീയ വുഷു കുങ് - ഫു ഫെസ്റ്റിവൽ ചാമ്പ്യൻഷിപ്പിന് പട്ടാമ്പി നിളാതീരത്ത് വർണാഭമായ തുടക്കം. ശനിയാഴ്ച രാവിലെ ചോലക്കൽ അങ്കണത്തിൽ സ്വാഗത സംഘം ചെയർമാൻ കെ.ടി. രാമചന്ദ്രൻ പതാക ഉയർത്തി. വിവിധ സംസ്ഥാനങ്ങളിൽ നിന്നും ശ്രീലങ്കയിൽ നിന്നും എത്തിയ ടീമുകൾ പതാക വന്ദനം നടത്തി. തുടർന്ന് ചേർന്ന ചടങ്ങിൽ അഡ്വ. വി.ടി. ബൽറാം എം.എൽ.എ. ഉദ്ഘാടനം നിർവഹിച്ചു. തൃത്താല പഞ്ചായത്ത് പ്രസിഡന്റ് എ. കൃഷ്ണകുമാർ അധ്യക്ഷത വഹിച്ചു. സിനിമ നടൻ ഗോവിന്ദ് പദ്മസൂര്യ, സുനിൽ ജയദീസ ശ്രീലങ്ക എന്നിവർ മുഖ്യാതിഥികളായി. ഫെസ്റ്റിവൽ ഡയറക്റ്റർ സീഫു ഷബീർ ബാബു, പട്ടാമ്പി നഗരസഭാ സാരഥികളായ സി. സംഗീത, എ.കെ. അക്ബർ, തൃത്താല ഗ്രാമ പഞ്ചായത്ത് സാരഥികളായ കെ.ടി. രാമചന്ദ്രൻ, ചെറിയ രാമൻ, മുതുതല പഞ്ചായത്ത് അംഗം സി. മുകേഷ്, പട്ടാമ്പി ചേമ്പർ പ്രസിഡന്റ് കെ.എച്ച്. ഗഫൂർ, കെ.പി. കമാൽ, അഡ്വ.പി. മനോജ്, ഹുസൈൻ തട്ടത്താഴത്ത്, ടി.വി.എം. അലി, വിജയൻ പൂവ്വക്കോട്, സീഫു തങ്കമണി രാഘുനാഥൻ, സീഫു ദാമോദരൻ, ഹിളർ മുഹമ്മദ്,ശരീഫ്, അജീഷ്, എ.പി. സുധീർ ജസീല എന്നിവർ സംസാരിച്ചു. ദേശീയ തലത്തിൽ ശ്രദ്ധേയരായ ടീമുകൾ എട്ടോളം ശൈലികളിലായി 90 ഓളം ഇനങ്ങളിൽ മത്സരിക്കുന്നുണ്ട്. വിവിധ സംസ്ഥാനങ്ങളിൽ നിന്ന് 500 ഓളം മത്സരാർഥികളാണ് ആതിഥേയരായ പട്ടാമ്പി വൈ.എസ്.കെ. മാർഷ്യൽ അക്കാദമിയുടെ ക്ഷണം സ്വീകരിച്ച് നിളാതീരത്ത് ദേശീയ ആയോധന മാമാങ്കത്തിന് എത്തിയിട്ടുള്ളത്. ഞായറാഴ്ച രാത്രി നടക്കുന്ന സമാപന യോഗം ടൂറിസം മന്ത്രി എ.സി. മൊയ്തീൻ ഉദ്ഘാടനം ചെയ്യും. മുഹമ്മദ് മുഹ്സിൻ എം.എൽ.എ. അധ്യക്ഷത വഹിക്കും.
